پاکستان کو بہرصورت تعاون کرنا ہوگا ، واضح پیغام دیدیا، امریکا

180

واشنگٹن(آن لائن) امریکا نے کہا ہے کہ پاکستان کو یہ پیغام دیا ہے کہ وہ دہشت گردی کے خلاف جنگ میں مکمل تعاون کرے کیونکہ یہ واشنگٹن کے لیے غیر معمولی اہمیت کا حامل ایشو ہے۔ غیر ملکی خبر رساں ادارے کے مطابق واشنگٹن میں ایک تقریب سے خطاب کرتے ہوئے امریکی قومی سلامتی کے مشیر خارجہ جان بولٹن نے کہا کہ وزیر خارجہ مائیک پومپیو نے اپنے حالیہ دورے کے دوران نئی پاکستانی حکومت پر دباؤ دیا ہے کہ دہشت گردی کے خلاف جنگ میں بھرپور تعاون کیا جائے ۔انہوں نے کہا کہ ہم امید رکھتے ہیں کہ پاکستان اس جنگ کی اہمیت کو سمجھتے ہوئے ہمارے ساتھ بھرپور تعاون جاری رکھے گا ۔انہوں نے کہا کہ پومپیو نے پاکستانی حکام پر یہ واضح کردیا ہے کہ دہشت گردی کے خلاف اقدامات امریکا کے لیے غیر معمولی اہمیت کے حامل ہیں، انہوں نے کہا
کہ دنیا جانتی ہے کہ پاکستان ایک جوہری ملک ہے اور اس بات کا خطرہ ہے کہ حکومت دہشت گردوں کے ہاتھوں گرسکتی ہے اور ایسی صورتحال میں جوہری ہتھیاروں کا کنٹرول دہشت گردوں کے پاس آسکتا ہے ۔انہوں نے کہا کہ پاکستانی حکومت کو بھی اس بارے میں سنجیدگی سے سوچنا ہوگا۔
امریکا

Print Friendly, PDF & Email
حصہ