چٹ پٹی چٹنیاں

694

مونگ پھلی کی خشک چٹنی

اجزاء:
مونگ پھلی ایک پائو
02ثابت لال مرچ بارہ عدد
بغیر چھلا لہسن آٹھ جوئے
چھلا ہوا لہسن آٹھ جوئے
نمک حسب ذائقہ
سفیدز یرہ ایک کھانے کا چمچ
ترکیب: آدھی مونگ پھلی کو توے کے اوپر بھون لیں ، آدھی کو کچی رکھیں ، آدھا لہسن توے کے اوپر بھون لیں ، آدھا کچا رکھیں ، آدھا زیرہ بھون لیں ، آدھا کچا رکھیں ، مرچیں بھی آدھی بھون لیں ، آدھی کچی رکھیں ۔ پھر ان سب چیزوں کو دال چاو ل، طاہری اور کباب وغیرہ کے ساتھ استعمال کریں ۔
ٹوٹکہ: مصالحوں کے ڈبوں کے اندر دو تین قطرے مونگ پھلی کے تیل کے لگا دیں پھر مصالحہ رکھیں مصالحے بالکل فریش رہیں گے ۔

املی کی کھٹی چٹنی

اجزاء:
املی ایک پائو(ڈیڑھ پیالی گرم پانی میں بھگو دیں )
سونٹھ پسی ہوئی ایک چائے کا چمچ
نمک چٹکی بھر
حبسب ذائقہ
سفید زیرہ بھنا ہوا ایک چائے کا چمچ پیس لیں
املی کا گاڑھا رس دو کھانے کے چمچ
01لال مرچ پسی ہوئی ایک چائے کا چمچ
ترکیب:
املی کے رس کو چھان کر سوائے کالا نمک کے باقی تمام مصالحے ملا کر دس منٹ پکا کر اتار لیں ۔ پانچ منٹ بعد کالا نمک ملا دیں ۔

املی کی میٹھی چٹنی

میٹھی چٹنی کے مصالحے تمام کھٹی چٹنی والے ہی ہیں ۔ اس میں آدھی پیالی چینی ملا کر پکا لیں یا گڑ ملا لیں ۔ ٹھنڈا ہونے پر کالا نمک ملا دیں ۔ آپ ان کو صاف بوتل میں بند کر کے فرج میں رکھ دیں کئی دن تک استعمال کر سکتے ہیں ۔
تل کی چٹنی
اجزاء:
سفید تل ایک پیالی(توے کے اوپر ہلکا سا بھون لیں)
ہری مرچ آٹھ عدد
لہسن کے جوئے چھ عدد( بغیر چھلے ہوئے
اوپر ڈالنے کے لئے پیاز ایک ڈلی( باریک کٹی ہوئی )
ہرا دھنیا ایک بڑی گٹھی
نمک حسب ضرورت

املی کا گاڑھا رس ایک پیالی

ترکیب: سب سے پہلے ہرا دھنیا، ہری مرچ ، لہسن اور نمک ملا کر باریک چٹنی پیس لیں ،بھنے ہوئے تل الگ سے باریک پیس لیں ۔ ایک پیالے میں پسی ہوئی چٹنی پسے ہوئے تل اور املی کا رس ملائیں ۔ چٹنی تیار ۔ پیش کرتے وقت پیاز ڈال دیں ۔
ٹوٹکہ: اگر بلینڈر میں چٹنی پیس رہے ہوں تو شروع میں نمک نہ ڈالیں ورنہ چٹنی پتلی ہوجائے گی ۔ یہ چٹنی آپ کئی دن تک استعمال کر سکتے ہیں جھوٹا چمچ نہ استعمال کریں ۔

لال مرچ کی چٹنی

03

اجزاء:
ثابت لال مرچ آدھا پائو
سفید زیر ایک کھانے کا چمچ
لہسن کے جوئے بیس عدد( آدھے چھلے آدھے بغیر چھلے)
نمک حسب ذائقہ
زیتون کا تیل تین کھانے کے چمچے

ترکیب: لال مرچ ، لہسن ، نمک اور زیرہ ان سب چیزوں کو ملا کر باریک چٹنی پیس لیں ۔ ایک فرائنگ پین میں تیل ڈال دیں ہلکا گرم ہو جائے تو چٹنی تل لیں پانچ منٹ تلنے کے بعد چولہا بند کر دیں ۔ چٹنی ٹھنڈی کر لیں اور بوتل میں بند کر کے رکھ لیں یہ چٹنی اس طریقے سے آپ کئی دن تک استعمال کر سکتے ہیں ۔ ؛
ٹوٹکہ: ناشتے کے بعد ایک کھانے کا چمچ دہی کھا لیں سارا دن تھکن کا احساس نہیں ہو گا ۔