پاکستان کا میر قاسم علی کو پھانسی دینے پر افسوس کا اظہار

260

پاکستان نے جماعت اسلامی بنگلہ دیش کے ممتاز رہنما میر قاسم علی کو پھانسی دینے پر افسوس کا اظہار کرتے ہوئے کہا ہے کہ ناقص ٹرائل کے ذریعے اپوزیشن کو دبانے کا عمل جمہوریت کی روح کے منافی ہے۔

ترجمان دفتر خارجہ محمد نفیس ذکریا کی جانب سے جاری بیان میں کہا گیا ہے کہ میر قاسم علی کو ناقص عدالتی عمل کے ذریعے سزا سنائی گئی۔ ٹرائل کے آغاز پر ہی متعدد عالمی تنظیموں نے اعتراضات اٹھائے تھے ٹرائل کی شفافیت اور منصفانہ نہ ہونے پر سوالات اٹھائے گئے۔

ترجمان کے مطابق ٹرائل میں ملزم کی نمائندگی کرنے والے وکلاء اور گواہوں کو حراساں کرنے پر بھی سوالات اٹھے۔ پاکستان سوگوار خاندان کے ساتھ اظہار تعزیت کرتا ہے۔