وزیراعظم میاں نوازشریف نے پیٹرول کی قیمت نہ بڑھانے کا اعلان کرتے ہوئے کہا ہے کہ قیمتیں نہ بڑھنے سے عوام خوش ہیں۔
اسلام آباد میں قومی ہیلتھ پروگرام کا افتتاح کرنے کے بعد تقریب سے خطاب کرتے ہوئے انہوں نے کہا کہ حکومت نے پیٹرول کی قیمت نہ بڑھانے کا فیصلہ کیا ہے، پیٹرول کی قیمتیں برقرار رہیں گی جب کہ مٹی کا تیل ، ڈیزل اور پیٹرولیم مصنوعات کی قیمتیں کم کی جارہی ہیں۔
وزیراعظم نے کہا کہ پیٹرول کی قیمتیں نہ بڑھنا ہی بڑی بات ہے،پیٹرول کی قیمتیں نہ بڑھنے سے عوام خوش ہے۔انہوں نے کہا کہ ہمارے لیے خیرخواہی کا جذبہ کم رکھنے والے ہوسکتا ہے فیصلوں پر تنقید کریں تاہم پیٹرول کی قیمت نہ بڑھانا ہی بڑی بات ہے ۔
