اسحاق ڈار کا پیٹرول کی قیمت گذشتہ ماہ پر برقرار رکھنے کا اعلان

227

وفاقی وزیرخزانہ اسحاق ڈار کا کہنا ہے کہ پیٹرول اور ہائی اوکٹین کی قیمتیں اگلے ماہ بھی برقرار رہیں گی ۔ کہتے ہیں پیٹرول 76 روپے 26 فی لیٹر میں دستیاب ہو گا ۔

اسلام آباد میں پریس کانفرنس کرتے ہوئے وفاقی وزیر خزانہ کا کہنا تھا کہ اوگرا کی طرف سے پیٹرول کی قیمت میں 2 روپے 17 پیسے فی لیٹر اضافے کی سمری بھیجے تھی جس وزیراعظم نوازشریف نے مسترد کرتے ہوئے قیمت پچھلے ماہ کی سطح پر رکھنے کے احکامات دیئے تھے ۔ ہائی اوکٹین کی قیمت 79 روپے 79 پیسے پر برقرار رہے گی ۔ اسحاق ڈار کا کہنا تھا کہ مٹی کے تیل کی قیمت میں 8 روپے 7 پیسے کمی کی گئی اس طرح مٹی کا تیل اب 49 روپے 4 پیسے فی لیٹر میں دستیاب ہو گا ۔ وزیرخزانہ کا کہنا تھا کہ ہائی اسپیڈ ڈیزل کی قیمت میں 3 روپے فی لیٹر کمی کی گئی ہے اس طرح یکم جنوری سے ہائی اسپیڈ ڈیزل 80 روپے 79 پیسے میں دستیاب ہو گا ۔ ان کا کہنا تھاکہ لائٹ ڈیزل کی قیمت میں 8 روپے 29 پیسے فی لیٹر کمی گئی ہے اس طرح لائٹ ڈیزل جنوری میں 45 روپے 30 پیسے میں ملے گا ۔ وفاقی وزیرخزانہ اسحاق ڈار کا کہنا تھا کہ نئی قیمتوں کا اطلاق رات 12 بجے کے بعد ہو گا ۔