سڈنی (پی پی آئی)آسٹریلوی کرکٹ بورڈ نے نیوزی لینڈ کے خلاف ٹیسٹ سیریز کے لئے 14رکنی اسکواڈ کا اعلان کردیا۔ نائب کپتان مائیکل کلارک ون ڈے سیریز ادھوری چھوڑ کر وطن لوٹے تھے تاہم ٹیسٹ سیریز کے لئے انہیں آسٹریلوی اسکواڈ میں شامل کر لیا گیا ہے۔ نئے لیگ اسپنر اسٹیون اسمتھ کو بھی اسکواڈ میں جگہ دی گئی ہے۔ 30 سالہ ریان ہیرس جو ابھی تک ٹیسٹ میچ نہیں کھیل پائے ہیں انہیں اسکواڈ میں شامل کیا گیا ہے۔ نیوزی لینڈ اور آسٹریلیا کے مابین دو میچز پر مشتمل ٹیسٹ سیریز کا آغاز19مارچ سے ہوگا۔ آسٹریلوی اسکواڈ ان کھلاڑیوں پر مشتمل ہی: رکی پونٹنگ (کپتان)، مائیکل کلارک، ڈگ بولنجر، بریڈ ہیڈن، نیتھن ہارٹز، ریان ہیرس، فلپ ہیوز، مائیک ہسی، مچل جانسن، سائمن کیٹچ، کلائنٹ میک کی، مارکوس نارتھ، اسٹیون اسمتھ اور شین واٹسن۔