کورونا وائرس کے سبب مصر میں رمضان المبارک کی سرگرمیوں کو معطل کردیا گیا ہے۔
غیر ملکی خبر ایجنسی کے مطابق مصر کے وزیر اوقاف نے کہا ہے کہ جان لیوا کورونا وائرس کے باعث ماہ رمضان المبارک میں افطار پارٹی سمیت باقی تمام سرگرمیاں معطل کردی گئی ہیں۔
انہوں نے کہا کہ ماہ مقدس میں مسلمانوں کی روایت ہے کہ وہ مساجد اور مختلف جگہوں پر غریبوں کے لیے کھانے اور افطار کا اہتمام کرتے ہیں۔
خیال رہے کہ عرب ممالک میں 23 اپریل سے رمضان المبارک شروع ہوگا۔
واضح رہے کہ عالمگیر وبا نے پوری دنیا کو اپنی لپیٹ میں لیا ہوا ہے وہیں مصر میں کورونا مریضوں کی تعداد 1 ہزار 560 ہے جبکہ انتقال کرنے والوں کی تعداد 103 ہے۔