پاکستان میں کرکٹ کے فروغ میں ڈیرن سیمی کا کردار اہم ہے، ڈی جی آئی ایس پی آر

19

راولپنڈی(جسارت نیوز)پشاور زلمی کے کپتان ڈیرن سیمی نے ڈی جی آئی ایس پی آر میجر جنرل آصف غفور سے ملاقات کی ہے۔تفصیلات کے مطابق ڈی جی آئی ایس پی آر میجر جنرل آصف غفور سے انٹرنیشنل کرکٹر ڈیرن سیمی نے ملاقات کی ، اس موقع پر پشاور زلمی فرنچائز کے مالک جاوید آفریدی بھی موجود تھے۔ڈی جی آئی ایس پی آر نے کہا کہ ہمیں معلوم ہے آپ کو پاکستان سے محبت ہے اور پاکستان میں کرکٹ کے فروغ میں آپ کا کردار بہت اہم ہے۔میجر جنرل آصف غفور نے کہا کہ پاکستانی عوام بھی آپ سے محبت کرتے ہیں اور آپ کی کرکٹ کے لیے بے پناہ خدمات ہیں،پہلے پاکستان میں انٹرنیشنل کرکٹ بہت زیادہ نہیں ہو رہی تھی تاہم ہمیں امید ہے کہ آپ کے بعد دیگر عالمی ٹیمیں بھی پاکستان آئیں گی۔