“شاذروان کعبہ” سے متعلق غلط فہمی دور کردی گئی

176

مسجد حرام اور مسجد نبوی کے انتظامی امور کے نگراں ادارے نے “شاذروان کعبہ” کے حوالے سے سامنے آنےوالی ایک غلط فہمی ختم کردی ہے۔ بعض ذرائع ابلاغ نے خبر دی تھی کہ “باب کعبہ” کے نیچے سے “شاذوران” کو ہٹا دیا گیا ہے۔

حرمین کے نگران ادارے کے ترجمان نے کہا کہ “شاذروان کعبہ” کو مرمت کی غرض سے اکھاڑا گیا تھا۔ شاذروان کو مکمل طور پر ہٹانے کی باتیں بے بنیاد ہیں۔ بعض ذرائع کا کہنا تھا کہ معتمرین کی سہولت کے لیے ‘شاذروان’ کو ہٹایا گیا ہے۔

خیال رہے کہ “شاذروان کعبہ” خانہ کعبہ شریف کے اطراف میں کعبہ کی بنیادوں کے ساتھ بنایا ایک حلقہ ہے۔ حرمین کے ترجمان کا کہنا ہے کہ گذشتہ ہفتے مطاف کے فرش کے سنگ مرمر کو تبدیل کرنے کے لیے بعض مقامات سے شاذروان کو اکھاڑا گیا تھا۔

Print Friendly, PDF & Email
حصہ