لیاری میں گیس بندش اشیا خورونوش کی قیمتیں دگنی

45

کراچی (اسٹاف رپورٹر) تبدیلی نے لیاری کے مکینوں کا جینا اجیرن کردیا ،پانی، بجلی کے بعد گیس بھی بند کردی گئی، سلنڈر کی دکانوں اور ہوٹلوں میں لوگوں کی قطاریں لگ گئیں، منافع خور ہوٹل مالکان نے موقع کا فائدہ اٹھاتے ہوئے کھانے پینے کی اشیاء کی قیمتیں دگنی کردیں، سفید پوش غریب گھرانے فاقہ کشی کی زندگی گزارنے پر مجبور ہوگئے۔تفصیلات کے مطابق گزشتہ دو روز سے لیاری بھر میں گیس کی غیر
اعلانیہ لوڈشیڈنگ کا سلسلہ جاری ہے،جمعہ کے روز کلری ،حاجی بچل روڈ،احمدشاہ بخاری روڈ،سرگوات محلہ،پھول پتی لائن،ہنگورآبادروڈ،جمعہ بلوچ روڈ،غوثیہ روڈ،بہارکالونی،مسجدروڈ،آگرہ تاج کالونی،تاج مسجد روڈ، گلستان کالونی،ہزارہ کالونی،چاکیواڑہ روڈ،سنگولین،سربازی محلہ،آٹھ چوک،لی مارکیٹ،کلاکوٹ غریب شاہ روڈ،جمن شاہ پلاٹ،اسلام روڈ،گبول روڈ،موسیٰ لین،سراج کالونی،کھڈہ مارکیٹ ،نیاآباد، نیازی چوک،بغدادی،ڈی ڈی چودھری روڈ،اولڈ کمہاڑواڑہ سمیت لیاری بھر میں صبح ساڑھے 9بجے سے گیس بند کردی گئی، جس سے مکینوں کو سخت مشکلات کا سامنا کرنا پڑا،گیس کی بندش کے باعث گھروں میں کھانے پینے کی اشیاء نہیں بن سکی ،بعض افراد نے گیس سلنڈر کے ذریعے کھانا بناکر گزاراکیا،اس موقع پر گیس سلنڈر کی دکانوں پر لوگوں کی قطاریں لگ گئیں،مکینوں کے مطابق ہوٹل مالکان نے موقع کا فائدہ اٹھاتے ہوئے کھانے پینے کی اشیاء کی قیمتیں دگنی کردیں ہیں،10روپے کا ملنے والا پراٹھا 20روپے کا کردیا گیا ہے جبکہ سالن کی قیمتیں بھی دگنی کردی ہیں لوگوں نے مزید بتایا کہ ہوٹل مالکان رش کا فائدہ اٹھاتے ہوئے پراٹھا چھوٹا کردیا ہے جبکہ سالن نامکمل تیار کرکے فروخت کیا جارہا ہے،ہوٹلوں سے کھانا نہ خرید سکنے والے سفید پوش غریب گھرانے فاقہ کشی پر مجبور ہوگئے ہیں۔
لیاری

Print Friendly, PDF & Email
حصہ

جواب چھوڑ دیں

This site uses Akismet to reduce spam. Learn how your comment data is processed.