پاکستان بحریہ ملکی حفاظت کرنے کی بھرپور صلاحیت رکھتی ہے, ایڈمرل ظفر محمود عباسی

206

کراچی: پاکستان بحریہ جدید اور پیشہ ورانہ امور میں مہارت رکھنے والا عسکری ادارہ ہے جو ملک کی سمندری حدود کی حفاظت کرنے کی بھرپور صلاحیت رکھتا ہے

، یہ بات چیف آف نیول اسٹاف ایڈمرل ظفر محمود عباسی نے کورنگی ایسوسی ایشن آف ٹریڈ اینڈ انڈسٹری کے صدر طارق ملک کی قیادت میں کاٹی کے ایک وفد سے ملاقات کے موقع پر کہی ، جبکہ اس موقع پر کاٹی کے نائب صدر جنید نقی ، سابق صدور زبیر چھایااور سید فرخ مظہر بھی موجود تھے۔اس موقع پر چیف آف نیول اسٹاف ایڈمرل ظفر محمود عباسی نے کہا کہ مضبوط اور متوازن معیشت کے بغیر کسی بھی ملک کی تعمیر و ترقی و ترقی کا خواب شرمندہ تعبیر نہیں ہوسکتا ۔

پاکستان بیش بہا قدرتی نعمتوں سے مالا مال ہے لہذا پاکستان کی تعمیر و ترقی کے لئے ہم سب کو مل کر جد و جہد کرنی ہوگی۔انہوں نے کہا کہ سی پیک خطے میں ایک گیم چینجر کی حیثیت رکھتا ہے اور پاکستان کی ترقی اور کامیابی کی راہ میں یہ بنیادی کردار ادا کرے گا ۔ اس موقع پر کاٹی کے صدرطارق ملک نے کہا کہ بزنس کمیونٹی اس ملک کی صنعت و تجارت کو بڑھانے میں اپنا بھرپور کردار ادا کررہی ہے اور ہمیشہ پاک فوج کے شانہ بشانہ کھڑی ہے ، اس موقع پر انہوں نے چیف آف نیول اسٹاف ایڈمرل ظفر محمود عباسی کو کورنگی ایسوسی ایشن آف ٹریڈ اینڈ انڈسٹری کے دورے کی بھی دعوت دی ۔

Print Friendly, PDF & Email
حصہ
mm
قاضی جاوید سینئر کامرس ریپورٹر اور کامرس تجزیہ، تفتیشی، اور تجارتی و صنعتی،معاشی تبصرہ نگار کی حیثیت سے کام کرنے کا وسیع تجربہ رکھتے ہیں ۔جسارت کے علاوہ نوائے وقت میں ایوان وقت ،اور ایوان کامرس بھی کرتے رہے ہیں ۔ تکبیر،چینل5اور جرءات کراچی میں بھی کامرس رپورٹر اور ریڈیو پاکستان کراچی سے بھی تجارتی،صنعتی اور معاشی تجزیہ کر تے ہیں qazijavaid61@gmail.com