تربیلا ڈیم سے پانی کے اخراج میں کمی ‘ 6 پیداواری یونٹ بند

82

ہری پور (اے پی پی) تربیلا ڈیم سے پانی کے اخراج میں کمی سے تربیلا بجلی گھر کے 6 پیداواری یونٹ بند ہو گئے ہیں‘ بجلی کی پیداوار میں مزید کمی کا سامنا ہے‘ بجلی گھر کے8 یونٹ بجلی پیدا کر رہے ہیں۔ تفصیلات کے مطابق تربیلا ڈیم کی ڈیلی رپورٹ میں بتایا گیا ہے کہ تربیلا ڈیم سے پانی کے اخراج میں مزید کمی کر دی گئی ہے جس کی وجہ سے تربیلا بجلی گھر کے 6 پیداواری یونٹ بند ہو گئے ہیں‘ 8 یونٹ بجلی پیدا کر رہے ہیں جن سے1111 میگاواٹ بجلی پیدا ہو رہی ہے۔ ڈیم میں پانی کی آمد میں بھی بڑی حد تک کمی آ گئی ہے۔ ڈیم میں پانی کی آمد 21 ہزار 800 کیوسک جبکہ اخراج 38 ہزار کیوسک کر دیا گیا ہے‘ پانی کی سطح کم ہو کر 1458.09 فٹ پر پہنچ گئی ہے۔