سری نگر،بھارتی فوج کے مظالم جاری، دو کشمیری جوان شہید

76

مقبوضہ کشمیر میں بھارتی فوج نے دو کشمیری نوجوانوں کو شہید کردیا اور مظالم کے خلاف احتجاج کرنیوالوں کو تشدد کرکے ڈیڑھ سو کو زخمی کردیا، حریت قیادت نے قابض فوج کے مظالم کی مذمت کرتے ہوئے عالمی برادری سے مقبوضہ وادی میں کشمیریوں کی نسل کشی بند کرا نے کا مطالبہ کیا ہے ۔

بھارتی فوج نے مقبوضہ کشمیر کے ضلع کپواڑہ کے علاقے راجور میں گھر گھر تلاشی کے دوران دو کشمیریوں عاشق احمد بٹ اور طیب مجید میر کو شہید کردیا۔ عینی شاہدین کے مطابق دو نوجوانوں نے چادر اور چار دیواری کے تقدس کی پامالی کے خلاف مزاحمت کی تھی۔

 دونوں نوجوانوں کے قتل کے بعد کپواڑہ اور دیگر اضلاع میں دکانیں بند ہوگئیں۔ ہزاروں افراد نے بھارتی مظالم کے خلاف احتجاج کیا۔ قابض فوج نے مظاہرین کو منشتر کرنے کیلئے فائرنگ اور لاٹھی چارج کرکے ڈیڑہ سو سے زائد افراد کو زخمی کردیا۔حریت قیادت چیئرمین میر واعظ عمرفاروق،سید علی گیلانی،یاسین ملک نے عالمی برادری سے مطالبہ کیا ہے کہ مقبوضہ وادی میں کشمیریوں کی نسل کشی بند کرائی جائے۔

حصہ

جواب چھوڑ دیں