بی پی ایل میں تازہ ترین فکسنگ الزام کی تحقیقات شروع

88

بنگلہ دیش کرکٹ بورڈ نے بی پی ایل میں سامنے آنے والے تازہ ترین فکسنگ الزام کی تحقیقات شروع کردی ہیں۔

گذشتہ روز رنگپور رائیڈرز کے جوپیٹر گھوش نے الزام عائد کیا تھا کہ ٹیم منیجر سانور نے انھیں ایونٹ شروع ہونے سے قبل ہی میچ فکسنگ کے لیے راضی کرنا چاہا تھا چونکہ وہ نہیں مانے اس لیے انھیں ٹیم سے فارغ کردیا گیا۔

بی سی بی نے جوپیٹر اور سانور دونوں کو ہی ٹورنامنٹ سے معطل کردیا ہے، بورڈ کی میڈیا کمیٹی کے چیئرمین جلال یونس نے کہاکہ ہم نے رنگپور رائیڈرز کے ایک پلیئر کی جانب سے اپنی ہی ٹیم کے ایک آفیشل کے خلاف دائر شکایت پرتحقیقات شروع کردی ہیں، جب تک تحقیقات مکمل نہیں ہوتیں جوپیٹر اور سانور معطل رہیں گے۔

دوسری جانب رنگپور رائیڈرزنے اس معاملے پراپنی رپورٹ بی سی بی کے اینٹی کرپشن یونٹ میں جمع کرا دی ہے، جس میںکہا گیا ہے کہ جوپیٹر کو ڈسپلنری خلاف ورزیوں پر ٹیم سے باہر کیا گیا۔ یاد رہے کہ ماضی میں بھی بی پی ایل میں میچ فکسنگ ہوچکی جس پر سابق بنگلہ دیشی کپتان محمد اشرفل سمیت کئی کرکٹرز کوسزائیں ہوئی تھیں۔

Print Friendly, PDF & Email
حصہ